Özünü yandıran şəxs
Onun intihara cəhd etməsinin səbəbləri bilinmir
Balakəndə 31 yaşlı kişi özünü yandırıb. İstiPress-in Şəki bürosuna rayon hüquq-mühafizə orqanlarından verilən məlumata görə, dekabrın 25-i axşam saat 18 radələrində baş verib.Rayonun Hənifə kənd sakini 1985-ci il təvəllüdlü Kamil Dovşanov yaşadığı ünvanda hələki istintaqa məlum olmayan səbəbdən intihar etmək məqsədi ilə üstünə benzin tökərək özünə od vurub. Son anda yaxınlarının köməyi ilə xilas olunan K. Dovşanov Balakən Mərkəzi Rayon Xəstəxanasına (MRX) aparılıb.
MRX-dan verilən məlumata görə, K. Dovşanovun yanıq xəsarətləri ağır olduğu üçün ona xəstəxanada lazımi ilkin tibbi yardım göstərildikdən sonra müayinə və müalicəsini davam etdirmək üçün Bakı şəhərindəki xəstəxanalardan birinə göndərilib.
Faktla bağlı Balakən rayon prokurorluğunda araşdırma aparılır.
Yorum Gönder