Rusiyanın "Rosneft" Dövlət Neft Şirkətinin prezidenti İqor Seçinin aparat rəhbəri Oleq Yerovinkinin Moskvanın mərkəzində "Lexus" markalı avtomilində cəsədi tapılıb.
Təhlükəsizlik orqanlarındakı mənbə hadisə yerində polislər və İstintaq Komitəsinin əməkdaşlarının çalışdığını bildirib.
O. Yerovinkinin meyiti Federal Təhlükəsizlik Xidmətinin morquna göndərilib. Onun ürəktutmasından vəfat etdiyi ehtimal olunur.
"Rosneft"dən aparat rəhbərinin ölümü təsdiqlənib.
Qeyd edək ki, 61 yaşlı Yerovinkin 2012-ci ildən Seçinin aparat rəhbəri vəzifəsində fəaliyyət göstərib. Seçin 2008-2012-ci illlərdə Rusiya baş nazirinin müavini işlədiyi dövrlərdə isə onun mətbuat katibi olub.
mənbə:qafqazinfo
Yorum Gönder